Kæra safnaðarfólk!

Nú iðar kirkjan aftur af lífi á nýju ári og ég hvet okkur til að taka áfram höndum saman í þágu Laugarneskirkju. Við erum rík að eiga hvert annað að samferðamönnum. Hittumst í kirkjunni!

Bjarni

Su. 22.1.
Messa og sunnudgaskóli kl. 11. Bjarni Karlsson þjónar ásamt Gunnari Gunnarssyni orgnaista, Kór Laugarneskirkju, sunnudagaskólakennurum og hópi messuþjóna. Messukaffi.

Kl. 13:00 Guðþjónusta í sal Sjálfsbjargar að Hátúni 12. Guðrún K. Þórsdóttir djákni þjónar ásamt sóknarpresti, organista og sjálfboðaliðum.
Kl. 14:00 Helgistund á kaffistofunni að Hatúni 10.

Þri. 24.1.
15:00 Fermingartími.
Kl. 20:00 Kvöldsöngur og kynning á tólf sporum Vina í bata. Þorvaldur Halldórsson leiðir gospelsönginn við undirleik Gunnars Gunnarssonar en sóknarprestur hefur bæn og hugleiðingu áður en kynningarfundurinn hefst í safnaðarheimilinu og stendur til kl. 22.


Mi. 25.1.
Kl. 10:00  Foreldramorgun. Kaffispjall fyrir foreldra, notaleg upplifun fyrir börn. Umsjón hefur Erla Björk Jónsdóttir guðfræðingur.
Kl. 10:30 Gönguhópurinn Sólarmegin leggur upp frá kirkjudyrum. Létt ganga í góðum félagsskap og allt fólk velkomið.
Kl. 14:10 – 15:30 Kirkjuprakkarar (1.-2. bekkur) Umsjón hafa sr. Bjarni og Gunnhildur kirkjuvörður.
Kl. 15:30 - 16:30 Kirkjuflakkarar. (3.-4. bekkur) Umsjón hefur Erla Björk æskulýðsfulltrúi og nokkrir ungleiðtogar. Gengið er inn í Gamlasal og þau sem vilja koma fyrr og vera með kirkjuprökkurum og sr. Bjarna í úlfaleiknum geta komið kl. 15:15.
Kl. 16:30-18:00 Harðjaxlar. (5.-6. bekkur). Hér stjórnar  líka Erla Björk og stór hópur flottra ungleiðtoga er allan daginn með öllum barnahópum.


Fi. 26.1.
Kl. 12:00 Kyrrðarstund í hádegi, - tónlist, íhugun og bæn. Vinnugalli er viðeigandi klæðnaður.  Holl og næringarrík súpumáltíð í safnaðarheimlinu á eftir. (kr. 500.-)
Kl. 15:15 Helgistund í félagsheimilinu að Dalbraut 18 – 20. Sr. Bjarni talar.
Kl. 19:30 Unglingafélagið Adrenalín gegn rasisma heldur sinn fyrsta fund.
Kl. 21:00 AA fundur í Gamla sal.

Fö. 27.1.
Kl. 13:30 – 15:00 Óðamálafélagið (7. bekkur) Málfundafélag þar sem ungt fólk lærir að láta rödd sína heyrast og lifa sem virkir þátttakendur í lýðræðisþjóðfélagi. Umsjón hefur Matthildur Bjarnadóttir guðfræðinemi og Bolli Már Bjarnason menntaskólanemi.

Gleðilegt nýtt ár kæru vinir.

Fyrsta guðsþjónusta á nýju ári verður haldin hér í kirkjunni næstkomandi sunnudag 15. janúar kl. 11.00. Erla Björk Jónsdóttir guðfræðingur og æskulýðsfulltrúi annast stundina ásamt Gunnari Gunnarssyni organista og félögum úr kór Laugarneskirkju. Sunnudagaskólinn verður á sínum stað í safnaðarheimilinu á sama tíma. Verið hjartanlega velkomin.

Kæra safnaðarfólk

Fyrst skal þakka öllu því frábæra fólki sem gefur krafta sína í þágu safnaðarstarfsins. Það eru ekki færri en 100 sjálfboðaliðar sem leggja sín lóð á vogarskálarnar svo að safnaðarstarfið megi blómstra. Fyrir það er ég ótrúlega þakklátur og er ekki einn um það!

Það er löng hefð fyrir því hjá okkur í Laugarneskirkju að hafa messufall fysta sunnudag á nýu ári á meðan söfnuður og starfsfólk er að ná andanaum eftir hátíðir. Við skömmumst okkar ekkert fyrir það. Mannshjartað slær heila mannsævi vegna þess að það hvílist fullkomlega eftir hvern slátt. Hvíld og átak heyrir hvað öðru til. Nú er hvíld.

Safnaðarstarfið hefst svo að nýju þriðjudaginn 10. janúar kl. 20 með kvöldsöng og kynningu á 12 spora starfinu Vinum í bata. Þar mun Þorvaldur Halldórsson mæta að venju og að þessu sinni mun Sunna Gunnlaugsdóttir vinur í bata og djáknanemi hafa hugleiðingu og bæn.

Fimmtudaginn 12. janúar er fyrsta kyrrðarstund í hádegi á nýju ári.

Fyrsta guðsþjónusta og sunnudagaskóli á nýju ári er sunnudagin 15.1. kl. 11 undir stjórn Erlu Bjarkar Jónsdóttur guðfræðings og æskulýðsfulltrúa.

Í framhaldinu hefst allt barna- og æskulýðsstarfið með fermingaratíma á þriðjudegi 17.1, Kirkjuprökkurum, Kirkjuflökkurum,Harðjöxlum miðvikudag 18.1. og Óðamálafélagi þann 20.1.  Adrenalínstarfið hefst svo fimmtudagskvöldið 26.1. kl. 19:30 og verður nánar auglýst.

Það verður gott að vera kirkja á nýju ári. Við erum kirkjan!

Bjarni karlsson, sóknarprestur