Adrenalín gegn rasisma er á hverjum fimmtudegi frá kl. 16:30 – 18:00

Adrenalín gegn rasisma stendur til boða öllum í 8.bekk.

Þar er söfnuðurinn í samvinnu við Laugalækjarskóla og Nýbúadeild Austurbæjarskóla að leiða saman unga innflytjendur og íslenska jafnaldra þeirra. Í fjölbreyttu félagsstarfi, sem nær hámarki í reglubundnum ferðalögum þar sem glímt er við íslenska náttúru svo að adrenalínið flæðir, bindast ungmenni af margvíslegu bergi brotin vináttuböndum sem auka félagsauð og draga úr þjóðernishroka í samfélaginu.

Umsjón hefur sr. Bjarni Karlsson ásamt ungleiðtogum.

Í þessu starfi er ekki bæn og boðun í orði, einungis í verki.