Laugarnessöfnuður hefur þann heiður að þjóna Hátúnsþorpinu þar sem er Hátún 10, a og b og Hátún 12.

Í hverri viku er eitthvað um að vera.Fulltrúi safnaðarins á svæðinu er Guðrún K. Þórsdóttir djákni sem þar hefur starfað um árabil með góðum árangri.

Annan hvern sunnudag eru haldnar guðsþjónustur í sal Sjálfsbjargar á höfuðborgarsvæðinu að Hátúni 12. Þar þjónar Guðrún djákni ásamt öðrum hvorum prestanna, organista og hópi sjálfboðaliða.  Það er gott og aðgengilegt að koma í þessar messur.

Hvert þriðjudagshádegi er súpueldhús í þessum sama sal þar sem Guðrún djákni heldur utan um verkefnin ásamt hópi sjálfboðaliða.  Þar nærir fólk líkama og sál í góðu og gefandi samfélagi. 

Síðasta fimmtudag í hverjum mánuði eru haldin Gospelkvöld þar sem Þorvaldur Halldórsson söngvari leikur og syngur, Guðrún K. Þórsdóttir stjórnar en fjöldi gesta og heimamanna stíga á stokk með gamanmál og alvarlegri frásagnir.  Þá er þar ætíð Guðs Orð og bæn.