|
Vinir í bata - 12 spora vinna |
|
Mánudagur, 06 September 2010 21:29 |
|
Öll höfum við margvíslegar tilfinningar sem við vitum ekki alveg hvað á að gera við. Margt fólk lifir hálfa æfina með íþyngjandi reynslu og tilfinningar sem gera vart við sig þegar minnst varir og valda depurð eða kvíða en hjá öðrum eru óuppgerðar hugsanir eins og kunningjar sem annað slagið líta í heimsókn en valda ekki beinum vandræðum þótt ekki séu heimsóknirnar skemmtilegar. Samtökin Vinir í bata gefa fólki kjörið og öruggt tækifæri til þess að vinna úr óuppgerðum tilfinningum og raða þeim í réttar hillur ef svo má að orði komast. Vinir í bata koma m.a. saman bæði í Laugarnessókn og Garðaprestakalli auk þess sem all margar fleiri kirkjur skapa rými fyrir þessa frábæru starfssemi.(sjá viniribata.is)
Laugarneskirkja býður upp á fyrsta kynningarfund strax á morgun, þriðjudag 7.9. kl. 20:00. Þá er gengið beint inn um aðaldyr kirkjunnar.
|
|
Nánar...
|
|
|
Dagskrá vikuna 5. – 11.9. 2010 |
|
Fimmtudagur, 02 September 2010 15:15 |
|
su. 5.9.
Kl. 11:00 Messa og fyrsti sunnudagaskóli vetrarins. Sr. Bjarni Karlsson þjónar ásamt kór og organista safnaðarins, messuþjónum og okkar frábæru sunnudagaskólakennurum. Messukaffi.
|
|
Nánar...
|
|
Dagskrá safnarðarstarfsins 29.8. – 4.9. |
|
Fimmtudagur, 26 Ágúst 2010 13:09 |
|
Su. 29.8.
Kl. 20:00 Messa. Sr. Bjarni Karlsson þjónar ásamt Gunnari Gunnarssyni organista, kór Laugarneskirkju og hópi messuþjóna. Messukaffi.
Athugið að barna- og æskulýðsstarf safnaðarins hefst svo strax miðvikudaginn 1. september og fyrsta morgunmessa með sunnudagaskóla verður haldin sunnudaginn 5. sept. Kl. 11:00. Kvöldsöngur og kynning á 12 sporastarfi vetrarins hefst svo þriðjudagskvöldið 7. sept. Kl. 20:00.
|
|
Nánar...
|
|
Fermingardagar vorsins 2011 |
|
Fimmtudagur, 26 Ágúst 2010 13:07 |
|
Fermingardagar vorsins 2011 verða sem hér segir:
Sunnudagur 10. apríl kl. 13:30
Pálmasunnudagur 17. apríl kl. 11:00
Sunnudagur 1. maí kl. 11:00
Sunnudagur 5. júní kl. 11:00 |
|
Frumsýning á þremur stuttmyndum |
|
Laugardagur, 21 Ágúst 2010 16:26 |
|
Ágæti söfnuður!
Sunnudaginn 22. ágúst verður frumsýning í aðalsal Laugarásbíós á þremur stuttmyndum sem unglingar í Laugarneskirkju hafa unnið að í sumar. Verkefnið er að frumkvæði Laugarneskirkju í samvinnu við Vinnuskóla Reykjavíkur og Tækniskólann og ber heitið Dyggðin dýra.
Hér eru á ferð sjálfstæð skilaboð unglinganna til samfélagsins sem þau lifa í, skilaboð um trú og efa, einsemd og vináttu, fordóma og skilning og þau gildi sem máli skipta í samskiptum manna.
Það eru kvikmyndagerðarhjónin Helena Stefánsdóttir og Arnar Steinn Friðbjarnarson sem leitt hafa hópinn en gott fólk styrkti verkefnið fjárhagslega svo af því gæti orðið.
Stuttmyndirnar heita "Somewhere over the rainbow", "Hannes" og "Forboðin ást" og verða þær sýndar í aðal sal Laugarásbíós að undan genginni kynningu hvers hóps.
Allt fólk sem hefur áhuga á lífinu er velkomið!
b. kv.
Bjarni Karlsson, sóknarprestur |
|
|
|
|
<< Byrja < Fyrra 1 2 3 4 5 6 7 8 9 10 Næsta > Endir >>
|
|
Síða 1 af 16 |
